Minggu, 03 Februari 2013

petatah petitih minangkabau


Manuruik barih balabeh adaik

Nan salilik gunuang marapi
Saedaran gunuang pasaman
Sajajaran sago jo singgalang
Saputaran talang jo kurinci

Dari sirangkak nan badangkang
Hinggo buayo putiah daguak
Sampai ka pintu rajo ilia
Durian ditakuak rajo

Sipisak- pisau anyuik
Sialang balantak basi
Hinggo aia babaliak mudiak
Sampai ka ombak nan badabua

Saaliran batang sikilang
Hinggo lauik nan sadidiah
Katimua ranah aia bangih
Rao jo mapatunggua
Sampai ka gunuang mahalintang
Pasisia banda sapuluah
Hinggo taratak aia hitam
Sampai ka tanjuang simalidu
Pucuak jambi sabilan lurah
Jikok dikambang saleba alam
Dibalun sabalun kuku
Tantang nangko basudah kalam
Tambo sakiro daulu

Tungkek galah amaik dirajo
Sitaba dibaliak pakan
Kok salah tobatlah ambo
Kok bana samo kito amalkan

Tidak ada komentar:

Poskan Komentar

Cari Blog Ini

Memuat...

Entri Populer

Pengikut